زالمیں نوشروان ساسانی ءِ ناهودگیں واب ءُ 

رستریں ھامنه ای ءِ کُچَّلیں کَیک

انسان دژمنیں درآمد ءُ گجرانی رستری کارکِرد ماں بلوچ گلزمین ءَ بے کساس اَنت۰  آهاں ماں هر دَورے په بلوچانی چکچین کنگ ءَ وڑوڑیں  پندل سازاتگ.. اداں چنت راجدپتری  دَروَر نبیساں تاں وانوکاں  لدیگی درآمدانی  بلوچ دشمنی ءُ رستری کینگ ءُ پلینڈی یان ءِ باروا  گیشترمالوم دار بنت۰

  * کم ءُ گیش یک هزار ءُ پنچ سد ( ۱۵۰۰)  سال پیش ءَ ساسانی بادشاه  انوشیروان زالم په بلوچانی چکچینی ءَ هکم دات ءُ اے باروا "فردوسی" ماں شاهنامه  گوشیت:

ازیشان فراوان و اندک نمانــــــد

 زن و مردو جنگی وکودک نماند

سراسر بشمـشیر بگذاشتنـــد

ستم کردن کـــوچ برداشتنـــد

ببود ایمن از رنج ایشــان جهان

بلـــوچی نماند آشکـــار ونهــان

چنان شد که بر کوه ایشان گله

بدی بی نگهبــــان و کرده یلـــه

شبان خـود نبودی پس گوسفند

 به هامون و بر تیــــغ کوه بلند

همه رنجـها خوار بگــــــذاشتند

 در و کوه را خانـه پنداشتـــــند

ھَــــو!!  زالمیں نوشروان ساسانی مُردار بوت ءُ آ رسترءِ ھڈّ ھم ھنَوں ریزتگ اَنت بلئے بلوچ راج زندگ اِنت۰

* دومی دَرور رستریں صفوی بادشاهانی لدیگی کارکرد انت ءُ آ  بے شمار بلوچ کشت انت ءُ  هما کار ءُ زیادتی گوں بلوچ ءُ بلوچستان کرت که چه نبیسگ اش نَد ءُ کلم ( قلم )  شرم کننت.

* سیمی دَروَر گجرانی (قاجار ) بادشاهی دَور انت که هور گوں انگریزاں پہ بلوچ ءُ بلوچستان ءِ تباهی ءُ ایردستی ءَ وڑوڑیں  برنامه ءُ پندل اِش ساز اِت. هما دور ءَ بلوچ سرزمین ونڈ ونڈ کنگ بوت ءُ بلوچ راج گجر ءُ انگریزانی ایردست بوت۰

چارمی ایش که گجر ءِ لشکر ماں یکّے چہ هلگراں پندلے سازیت تاں بلوچانی لشکرءَ ماں جنگ ءِ پڑا نزور بکنت۰ آھاں چنت هشترءِ بار گوں زهریگیں سُوپ، سروپ (سیب)  پیش چه وتی لدیگی لشکر ءَ  دیم په بلوچستان ءِ لشکر راه دینت تاں جنگی مهلوک بلوچ سرمچار اِش به ورنت ءُ تنسار  بنت یا که به مِر انت۰  اداں هم  گجر  گوں وتی پندل ءَ  کامیاب نه بوت۰

* پنجمی  دَرور بلوچ دژمنیں هامنه ای ءِ کُچَّلیں بِسکوٹ ءُ گَھِتَگیں کیکان اَنت که  گجر ءِ لدیگی سپاه همے روچاں ماں بلوچ ڈیہ ءَ شنگ ءُ تالان اِش کنگ انت۰ 

هنوں پَدّرانت که همے زهریگیں کیک گجر ءِ لشکر ءُ سپاه هورگوں رستریں زابلی یانی بلوچ دژمنیں ٹولی ماں بلوچ ڈیه ءَ بها کنگ انت تاں زالمیں نوشیروان ساسانی ءِ ناهودگیں واب ءَ پوره بکننت.

 هامنه ای ٹولی ءُ لدیگی سپاه هنچو په ما بلوچاں  کینگی اَنت ءُ جهالت ءِ ته ءُ بّڈاِتگ انت که   گوں کُچَّلیں کیک ءُ زهریگیں بِسکوٹانی شنگ کنگ ءَ ماں بلوچستان لوٹنت زالمیں نوشروان ساسانی ءُ صفوی بادشاهانی ناهودگیں  واب ءَ پوره بکننت۰

بلئے ما بلوچاں وتی جهداں اے زالمانی هلاپ ءَ گیشتر ءُ تیزتر کنین ءُ په وتی بُن پیرُکی ڈیه ءُ راجی وجود ءّ انسانی هکّانی گِرِگ ءَ هوربندی شکلے ءَ دیما روین ءُ وتی راجی شائر هدامرزی گوادریءِ 

اے دُرّیں گال ءَ ھوری کوکار کنیں:   راج په کُشگ گار نه بنت 

محمد کریم بلوچ

دسامبر ۲۰۱۹