!دو دانک گوں بلوچ راج ءِ زانتکار ءُ وانندئیں اوبادگاں

( محمد کریم بلوچ )

           بیست ءُ یک پروری بریبر گوں اسپند ماه ءِ دوم ءَ  ماتی زبان ءِ جهانی روچ انت۰ 

     اے پدّریں گپے که زالمیں واکداراں گوں پارسی، اردو ءُ دگه درآمدیں زبانان په شهدیں بلوچی ءِ گار ءُ گمسار  کنگ ءَ لانچتگ. اگاں چه بلوچی زبان تان روچِ  مروچی زندگ انت ءُ گیش چه سی میلیون بلوچ انگتءَ بلوچی گپ کننت بلئے زورانسریں واکدارانی "استراتژی" بلوچی زیان ءِ نزور کنگ ءُ سریں پروش کنگ انت تنکه بلوچانی راجی پجّار ءَ گار بکننتءُ بلوچستانءَ مدامی زوربرد بکننت.

ما را وتی راج ءُ ماتی زبان هزمت کنگی انت. نندگ ءُ چارگ ءُ کرمه گوشی ءَ اَنگار به کنین ءُ بزانیں که ما را په شهدیں بلوچی زبان ءِ هاترا یک  راجدپتری همکاری ءُ هشرکاری پکار انت۰

 ما را اے تچکیں گپ په دل  مَنَّگی انت که تهران ءُ اسلام آباد ءُ کابلءِ واکداراں بلوچ راج ءُ  بلوچی زبانءِ دوزواه نه انت۰

ما را زانگی انت که شهدیں بلوچی مئی راجی پجّار ءِ مستریں پیلپاد انت. ما را  وت  شرّ چار ءُ بیچار کنگی انت که په !وتی راجی پجّارء زندگ دارگ ءُ په شهدیں بلوچی ءِ دیمبری ءَ چه کار کرت کنیں!

په هچ کَسے ءِ پرمان ءُ هُکم  وداریگ مه بئیں۰

بلوچی زبانزانت، شائرءُ ندکاراں ءُ ادبی انجمن، ِ اکادمی ءُ هوربنداں کمک بکنیں۰

شهدیں بلوچی زندگ انت

  2021 ماتی زبان ءِ جهانی روچ