بلوچستـان ءِ پليـں شهيـدان ءَ هـزاراں سـلام

سئے آپریل  ۲۰۰۹ ءَ  بلوچ راجءِ کلانیں رهشوناں  شهید گلام محمد بلوچ، شهید شیرمحمد بلوچ ءُ شهید  لالا منیر بلــوچ چه کچکول ءِ وکیلی کارگس ءَ مان تربت چست کنگ بوتنت ءُ  شش روچ ءَ رند آهانی شزادیستگیں  لاش ماں مرگاپ ءَ دست کپت اَنت ۰ 

چه هما روچ ءَ رند سدانی سد شهید گلزمین ءِ شهیدانی دراجیں کاروان ءَ هوربوتگ اَنت۰  بیگواهیں بلوچ ءُ بندیگاں بے شمار اَنت۰  بلوچانی پاکيـں ڈيــه، مئی شهیدانی سوگیگيــں ماتیں وتــن  ماں ارس ءُ هــون ءُ آس ءُ  دوت انت۰  بلوچ کـوم ءِ کوهيــں درداں دپتان ءِ وڑءَ جشان انت ءُ منـد ءُ پنجگورءُ کیچ ، خضدارءُ حب،  کراچی ءُ بیله، اوارانءُ گوادر ءُ تمپ ، پسنی ءُ  اورماڑه، نوشکی ءُ ڈالبندین ، شال ءُ کـلات، دزآپ ءُ شستــون، پهره ءُ دهوار، بنپور ءُ دشتياری، بشکرد ءُ دلگان، جاسک ءُ ميناب، سریک ءُ چهبار، پسنی ءُ دشت مـاں رستريـں پنجاپی ءُ فاشيســم پارس ءِ روک کتگيـــں آسءَ سچـان انــت۰  

لشکرِ پارس ءُ ناشریں  زابلی ٹولی وتی رستری کارکرداں مـاں آوارجتگيـں گلزميـن ءِ روکپتی بهر ءَ تيزتـر کتگ انــت۰ رستريــں پنجاپـی پئوج بلوچانی لوگ ءُ میتگاں ماندارگ ءُ سوچگنت ءُ مئے  پیر ءُ کساں، مردین ءُ جنیں بیگواه کنگ ءُ کشگاینت۰  

  بلوچستــان ءِ  کوه ءُ پٹ چه شهیدانی هونانی لهــڑءَ سهر انت. دزآپ، پهره، سرباز، واش، شال، کيچ، تربت، پنجگور، بشکرد، دشتياری، کوهستان مری ءُ کوهلــو، پیدارک ءُ مُرگاپ ءِ سهری بلوچستان ءِ آزمــان ( آسمان) هم سهر کتـگ۰

بلوچستــان ءُ بلــوچ کوم ءِ پليــں شهیدانـی بے گناهیءَ دگنیا زانــگ ءُ گِندگ انـت۰ مئی هــزاراں بیگواهيــں گهارءُ براتانی  درد آوريـں چيهــالءُ کوکاراں تپاکیں راجانی هوربند ءُ اروپایی ملکانی واکدار اشکنگاینت بلئے اپسوزانت که انگت ءَ کرمه گوشی کنگاینت۰

دربیانيــں شهيــد غلام محمد ءُ سرمچاريــں شهید شیرمحمد ءُ مزاربیميــں شهید لاله منیر بابای پنجگور، شهيـد یاکوب مهر نهــاد، شهيـدِ سرکاروان بالاچ،  بزرگيــں شهید اکبربگٹی ءُ بلوچستـانءِ تماميــں نميران ءُ پاکيــں شهیدانی سهــريــں هونانی برکــت ءَ گلزمين ءِ آزاتي ءُ وت مستري ءِ ِمنزل نزيک انت۰ 

بلوچستــان ءِ پليــں شهيـــدان ءَ هــزاراں سلام

پروشت ءُ پروش باتنـت ايران ءُ پاکستان

آزات ءُ آباد بـــات گنجيــــــن بلوچستــــان

 محمـد کريم بلـوچ

 آپریل  ۲۰۱۷