بلوچستـــان پاد آتکگ
گٹ گیر کتگیں راج پاد آتکـگ۰ مولانا فضل الرحمن کوهی پشامگ ءِ پیش نماز ایرانی واکدارانی بندیگ انت۰ آ په پندلے مَشَـد ءَ لوٹائینگ بوت ءُ همـوداں دسگر ءُ بندی کنگ بوت۰ دو روچ انت که ملکءِ شهر ءُ میتگانی مهلوک په مولوی ءِ یله کنگ ءَ وتی توار برزکتگ۰ سپاه ءُ بسیج ءِ سلهبندیں بلوچ باسک ماں سرباز ءِ هندا گوں نارازیں مردماں هوارانت ءُ سپاه ءِ تپنگان اِش واتر کتــگ ءُ مولوی ءِ آزاتی ءِ لوٹوک اَنــت۰
بلوچ دژمنیں ایرانی واکداراں وتی لشکر ءَ په بلوچانی لٹ کٹ کنگ ءَ تیار کنگ انت۰ آ لانچتگ تانکہ بلوچستان ءِ مهلوک ءَ گیشتر گٹ گر بکننت۰ بلئے هر چے مردمانی تپاکی گیشتر ببیت واکدارانی نزوری گیشترپدّر بیت۰
آوراجتگیں بلوچستـــان ءَ مروچی تپاکی ءُهوریں جهـد پکار انت۰ بلوچانی وکیل ءُ سیاسی ءُ مذهبی رهشون اگاں هنوں هور گوں مردم دیما به شتین انت راج ءِ آینده روشناک تر بوت ءُ جهـداں گِهتریں بَروردے دات۰
مروچی بایدانت میانسال ءُ ورنا، سیاسی ءُ گئیر سیاسی، عالِم ءُ واننده، سلهبند ءُ بے سلاه، جنین ءُ مردیں په ملک ءُ راج ءِ هاترا ءُ په مولانا فضل الرحمن کوهی ءُ آدگه بندیگانی آزاتی ءَ یک توار به بئیں ۰
دژمن ءِ بے شماریں پندلاں گوں تپاکی ءُ هم کوپگی ءَ پروش دیگ بنت۰ اگاں نه انسان دژمنیں ایرانی واکدار تیار اَنــت تاں ای مردمی جنز ءَ هم الاحواز ءِ مردمانی پیما گٹ تروس به کننت۰
آزات ءُ آباد بــات گنجیــــــں بلوچستــان
پروشت ءُ پروش باتنت ایران ءُ پاکستان
محمد کریم بلوچ
آپریل ۲۰۱۷
آپریل ۲۰۱۷