جهانی تروریست سلیمانی ءُ "سپاہ قدس"ءِ 

انسان دشمنیں کارکرد

جهانی تروریسم ءِ سروک سلیمانی ءُ چنت دگه تروریست ماں بَگدادءَ گوں زوراکیں بمباں جَنَگءُ پَـٹّینگءُ کُشگ بوتنت. 

مُردارین سلیمانی وتی تروریستی کارءُ انسان کُشی ءَ سی ءُ نه  سال پیش ماں کوردستان ءَ بنگیج کتنت ءُ گم ءُ گیش سی سال پیش ءَ گوں رفسنجانی ءُ هامنه ای ءِ همشوری ءَ  بلوچستان راه دیگ بوت تاں بلوچ راج ءَ گیشتر تاوان بدنت ءُ بلوچستان ءَ ویران بکنت۰ اداں گوشگی انت که کینگی ین سلیمانی یک چه هامنه ای ٹولی ءِ سروکان اَت۰  آ "سپاہ قدس" ءِ سنگدلین سروک ءُ بیه ءَ کرمان ءِ مردمے اَت ءُ بلوچانی سرا سکّ باز زهرکِن اَت ۰

ایرانی  پاسداران ءِ ٹولی گوں وتی درملکی بهر بزاں "سپاہ قدس" ءِ لدیگی ٹولی تهران ءِ واکدارانی پرهونیں پنچگ اَنت که ماں بلوچستان ءُ کوردستان ءُ الاحوازالعربی ءُ آزربایجان ءُ تورکمنستان ءُ دگه باز ملکانی ته ءَ انسان کشی کنگ ءُ گوں وتی تهارپگری ءُ بے بنیاتیں مذهبی باوراں انسانی تمـدن ءِ دیما اوشتاتگ۰

هزاراں  بلوچ ءِ لٹ کٹ، ترورءُ کُشگ، ءُ شهید شیخ علی دهواری ءُ شهید مولانا محمد عمر سربازی ءُ شهید مولوی عبدالمالک ملازاده ءُ  شهید مولوی عبدالرئوف ریگی ءُ شهیدتاج محمد گمشادزهی ءُ شهیدحاجی بلوچ خان ءُ  دگه بلوچ کماشانی ترورکنگ ،  کوردانی کلانیں سروکانی کشگ ماں اتریش (شهید عبدالرحمان قاسملو) ءُ جرمنی (شهید صادق شرفکندی) ، شاپور بهتیارءِ کارچ کُش کنگ ماں پاریس ، احمد مولی ءِ ترور مان هلند ءْ دگه بازیں  اپوزیسیونءِ سروکانی کشگ ماں اروپایی ملکاں سپاه پاسداران ءِ لدیگی تروریستانی کاراَنت۰ 

سپاه قدس گوں مُرداریں  سلیمانی ءِ سروکی ءَ  په دوارسوچیں جنگانی آس ءِ بُن دیگ ءَ ماں عربی ملکان  گوں دَمَگی مجرم شریک اَنت۰ 

اداں یک لیستے چه اے جهانی تروریست ءِ انسان دشمنیں کارکرداں نبیساں تاں  شرتر پجاه آرینگ به بیت.

۱ـ بلوچاں وت ماں وت میڑینگ ماں رودبار زمین، دلگان ءُ گیاوان زمین

۲ـ نصرت آباد، کوه لار ءُ  کورین ءِ میتگانی سرا هلگر ءُ بلوچانی کشت ءُ کوش ءُ تیری کنگ ماں آ دمگا ں.

۳ـ بے شمار بلوچ ورنایانی دسگر کنگ ءُ آهاں په "قاچاق مواد" ءِ نیمون ءَ  بندی کنگ ءُ پاهو دیگ

۴ـ مئی هزاراں چک ءِ چوره کنگ ءُ بے شمار پت ءُ مات ءُ گهاراں سوگیگ کنگ

۵ـ شهید مولوی عبدالمالک ملازاده ءُ محمد حسن ارباب ءُ دلاویز ناروییءُ عبدالمالک ریکیءُ  مولوی عبدالرئوف ریکی ءُ ابابگر ریکی ءُ دگه بازیں بلوچے ءِ ترور کنگ ءُ کُشَگ۰

۶ـ رودراتکی بلوچستان ءِ راجی جنزء نزور کنگ ءُ بلوچ سرمچاران گوں یکدگرا میڑینگ.

 ۷ـ گوں پاسدار مارانی،  حسین معروفی ءُ امان الله گشتاسپی ءَ همکاری په بلوچ راج ءِ بیگواه کنگ ءَ

۸ـ گوں درملکءِ جاسوسی اداره یا ں همکاری بلوچ راج ءِ هلاپ ءَ

۹ــ کورد ءُ عرب رهشونانی ترور کنگ

۹ـ رونشتی  کوردستان ءِ سیاسی جاوراں دستمانجنی ءُ کنگ

۱۰ـ بگداد ءُ شامءُ یمن ءِ ویرانی ءُ بے شمار انسان ءِ کشت ءُ کوش ءُ

۱۱ـ شام ءِ مردمانی هلاپ ءَ شیمیایی بمب کار مرز کنگ ءُ هزاران کودک، ورنا، کماش، زالبولانی کشت ءُ کوش

۱۲ـ تروریستی نِت ورکانی پیم کنگ ءُ زرّی کمک دیگ ماں آسیا، آمریکا ءُ  اروپایی ملکاں

۱۳ـ په بلوچ راج ءِ چُکچینی ءَ انسان دشمنیں پندلانی ٹاهینگ ءُ کارمرز کنگ

اگاں چے سلیمانی ءِ مردار بیگ سپاه قدس ءُ جهانی تروریسم ءَ باز نزور کنت بلئے بَید هامنه ای سیاسی واکداری ءُ زورانسری ءِ هلاس کنگ اے جهان سوچیں تروریست ٹولی پروش دیگ نه بنت۰

محمد کریم بلوچ
ژانویه ۲۰۲۰