مستاگے په اوپارکشّ ءُ جهدکاریں بلوچ راج ءَ
مروچی نوکیں سیاسی مُچّی ئے بزاں "بلوچستان
ءِ راجی تپاکی گل" وتی بنگیجی جار ءُ
سیاسی برنامه ءُ بن رهبند
ءَ ماں دنیای مجازی، بلوچستان ءُ در مُلک ءَ شنگ کتنت۰
اے مُچّی ءِ برنامه په بلوچستان ءِ باندات ءَ یک
نیکیں پالے۰ اے مُچّی ایران ءِ آوارجتگیں بلوچستان ءِ تمامیں بهراں که پهلوی رجیم ءَ
سِست ءُ گوں هراسان، کرمان ءُ هرمزگان هور جتنت پدا گوں "بلوچستان ءُ سیستان"
یکجاه کنگ لوٹیت۰ راجی تپاکی گلّ ءِ باورانت
که بلوچستان بلوچانی راجدپتری هنکین ءُ ڈیه
انت۰ اداں بلوچ وتی مستر وت به بنت ءُ درآمدانی
واکداری باید انت هلاس کنگ به بیت۰
میلیوناں بلوچ ءِ تپاکی په وتی راجی هکّانی پد جَنگ
ءَ مزنیں واکے ءُ اے بلوچستان ءِ تپاکی گل ءِ
یکے چه مکسدان انت که بلوچانی راجی سیاسی واک ماں گلزمین ءَ برجاه به بیت۰
اے گلّ ءِ بهرے چه بنیاتی باور ءُ استراتژی اِش اِنت
که رند چه لدیگی جمهوری اسلامی ءِ پروشءَ بلوچستان ءِ اِدارکی هکومت برجاه بیت ءُ هور گوں راجی دیوانءِ برجم کنگ ءَ، بلوچاں وتی سیاسی واک ءَ آزاتیں گچینکاریانی
درگت ءَ گچین به کننت۰
ماں آ گچیں
کاریاں میان استمانی شاهدانی دیم ءَ بلوچ راج وتی هکومت ءُ آیوکیں سیاسی دور ءَ وت گچین کنت۰
آزات ءُ آباد بات گنجیں بلوچستان
محمد کریم
بلوچ
بیست و شش مئی 2020