ڈیہ ءِ ورنایانی کُشتکُشارءِ گِهتریں ونده راجی جُهد انت!

 زیکّیں روچ پدا رستریں گجر مانشانت ءُ ریگان، واش، پهره ءُ رودبارءَ  یک رندے دگہ سوگیگ کرت۰

تهنا ماں اسدآباد پهره ءَ چار نوک بروتیں ورنا انسان دشمنیںگجر ءِ تیرانی آماچ بوتنت۰

یکبرے پدا مئے مات ءّ گهار اِش لٹ کُٹ کتنت ءُ بلوچ گلزمین اِش سوگیگ کرت۰ اے پدّریں گپے کہ گجرءِ لدیگی لشکر مئے ورنایآں  همک روچ کشگ ءُ بیگواه کنگ انت۰  بلوچ راج سوگیگ انت ءُ گلزمین هون ءِ رنگ زرتگ۰ 

ما را زانگی ءُ سرپد بیگی انت کہ  بلوچ دشمنیں سپاه ءُ  هامنه ای رستریں ٹولی په مئی بیگواهی ءَ لانچتگ ءُ تنکہ بلوچ راج گجرءِ ایردست انت ءُ بلوچ ڈیه چه هامنه ای ٹولی ءُ سپاه ءِ دست ءَ آزات کنگ مه بیت مئے هال ءُ روچ همش انت،  بلکیں گَنتر هم به بیت۰  

:دشمن ءِ بلوچ دشمنی ءُ مئے ورنایانی کشت ءُ کُشار ءِ  گِهتریں پسّو اش اَنت

 گوں یکدگرا تپاک بئیں۰ *

 وتی راجی پجّار ءُ ماتی زبان ءَ زندگ بداریں۰ * 

 په  راجی ءُ سیاسی هکانی پچ گِرگ ءَ هوربندی جهداں گیشتر ءُ تیزتر  بکنیں۰ *

 بلوچ ورنا ءُ نوک ورنایاں گوں راجی هوربنداں هور بیگی انت۰ *

 په رستریں زابلی  ٹولی یانی گلّینگ ءَ هر پیمیں جهد ءُ کوشست بکنیں۰ *

*  مُلک ءِ کماش وتی توارءَ برزتِر بکننت ءُ بزاننت که گجر انی سپاه ءِ رستری ءُ زابلی ٹولی ءِ انسان کشی ءِ باروا  بے تواری ءُ  هاموشی گوں موت ءَ برابر انت۰

هما کم بهتیں بلوچ که گوں درآمداں هور  تراِتگنت اگاں په وتی کوم ءُ راج ءَ ندریگ به بنت گهتر انت ءُ وتی چماں شرّ پچ کننت،  چد ءُ گیش بلوچ لدیگی ھامنہ ای ءُ بلوچ دشمنیں سپاه ءِ گلام مه بنت۰    

 هوربندی جهد ءُ کوشستان ءُ پادآتکگیں بلوچ ورنایانی رِداں بَزتِر کنگی انت *.

درمُلک ءِ جاهمنندیں بلوچ وتی راجی چِست ءُ اِیر گیش کنگی انت ءُ دگنیاےءَ چه بلوچ ورنایانی کشت ءُ کوش ءُ هامنه ای  لدیگی کارکِرد ماں بلوچستان سهی کنگی انت۰

بلوچستان ءِ پُلّیں شھیدان ءَ ھزاراں سلام

آزات ءُ آباد بات گنجیں بلوچستان

محمد کریم بلوچ

ماه مئی ۲۰۲۰