!از آزادی تشکل و حق سازماندهی دفاع کنیم

( ۱ )

تشکیل ارگانهای مردمی، احزاب سیاسی ، انجمن های صنفی و سازمان های فرهنگی از جمله حقوق شناخته شده هر گروه از انسانها، قوم و ملت در دنیای متمدن بشری است۰

انسانهای متحد با منافع مشترک  نه تنها حق تشکیل   اتحادیه‌های کارگری، انجمن های صنفی و تجمعات فرهنگی  بلکه حق تاسیس هر تشکیلات غیر دولتی را نیز دارند۰

حمایت از حق تشکل  و سازماندهی در جوامع آزاد از اواسط قرن گذشته در بسیاری از کشورهای جهان  به مرحله اجرا درآمده است۰ انسجام آگاهانه  و سازمان یافتگی به شیوه ای مدرن و دمکراتیک برای بهبود زندگی مردم بلوچ در افغانستان و تحقق اهداف جمعی شان لازم است۰

هر جمعی از انسانها حق دارد تا خویش را سازماندهی کند و  برای دفاع از منافع خویش اقدام به  ایجاد تشکل‌،  اتحادیه‌، انجمن، سازمان و حزب نماید۰  این امرمھم به نفع جمع است اگرچه  باعث برآشفتگی افراد کدخدامننش و فردگراهای سودجو شود۰   

در بلوچستان شمالی و کشور افغانستان تقریبا دو میلیون بلوچ زندگی می کنند و این حق مسلم آن جمعیت بزرگ است تا برای زندگی بهتر و تحقق اهداف جمعی وھمچنین  دفاع از حقوق  و منافع خویش به تشکیل حزب  سیاسی اقدام نمایند۰

چنین حزبی می تواند با مشارکت و  پشتیبانی بلوچها  بطور سیستماتیک در صحنه سیاسی افغانستان حضور فعال داشته و به گونه ای صلح آمیز برای پیشرفت و آبادانی پیش رود۰   

قابل ذکر است که هفتاد و یک ( 71 ) تشکیلات و  حزب سیاسی  در "وزارت عدلیه " افغانستان به ثبت رسیده اند اما هیچکدام مردم بلوچ را در آن کشور نمایندگی نمی کند و مدافع واقعی حقوق و منافع مردم بلوچ نیست۰

 این حق مسلم دو میلیون بلوچ است تا با داشتن  سازمان و حزب سیاسی در سیاست  کشور افغانستان سهیم شده و با .اتحاد و  پشتیبانی همدیگر از منافع خویش دفاع کنند

محمد کریم بلوچ

جولای ۲۰۲۰

بلوچستان ءِ بَهر بَهر کنگ ءُ تیاب کِرّ ءُ مُلک ءِ بندنانی بها کنگ

 !گجر ءِ بلوچ دشمنیں برنامه اَنت

هامنه ای ٹولی، گجرانی تروریستی سپاه ءُ ایران ءِ " اقتصادی مافیا" بلوچ راج ءِ هلاپ ءَ هما انسان دشمنیں کار کنگ اَنت که ماں مئے راجدپترءَ بے درور انت! گنجیں بلوچستان ءِ راجی سرمایه ءُ مالانی پل ءُ پانچ ءُ ملک ءِ تیاب ءُ بندنان چه بلوچ ءِ دست ءَ  در کنگ آهانی مشترکیں مکسد اَنت۰ په اے شومیں مکسدانی پورہ کنگ ءَ جهان واریں چین ءُ ھندوستان ءُ زرپرستیں روس اِش گوں وت ءَ هور تَرّینتگ اَنت۰ 

تاجگیں هالانی ردءَ گجرانی لدیگی لشکر ءُ ایران ءِ بلوچ دشمنیں واکدار په بلوچستان ءِ گیشتر بهر بهر کنگءَ تکانسَر انت۰ ماں مُلک ءَ اِشتاپ اِشتاپ شهرستان اڈ کنگ انت! هنچوشیں شهر که نئے ورگی آپ اِش هست ءُ نئیکے الکاپیں دَگ ءُ راه 

گوستگیں روچاں جار پرّینگ بوت که زرّآباد شهرستانے بوت ءُ ماں سرهد زمین ءَ تپتان هم که چه پیسرا  یک شهرستانے ءِ نام . ایر کنگ بوتگ اَت " فریبا برنائی بجد" نامیں درآمدیں جنینے پرماندار نامینگ بوت

پنوچ، مه گس ، دهوار، سرباز،  گِه، اسپکه، ایرندگان، جالک ءُ دگه چنت کوچگ ءُ دَمَگ "شهرستان" ءِ تراز آرگ بوتگنت تان ماں هر جاه ءَ چنت ڈنّی اداره برجاه به کننت،  بلوچاں  دورا دورا بکننت تانکه گیشترءُ آسانتر ایر دست اِش بدارنتءُ مُلکءِ راجی سرمایه ءُ مالاں ھور گوں آدگہ درآمداں پُل ءُ پانچ به کننت۰  

هامنه ای لدیگی  ٹولی، ناشریں گشتاسپی، بلوچ دشمنیں زابلی ءُ تروریستی سپاه گوں بلوچستان ءِ ٹکُّر ٹُکُّر کنگ ءَ هما بلوچ دشمنیں برنامه دیم ءَ بَرَگ انت که گجرءِ کرنانی کرنءِ ناهودگیں واب اَتنت۰    

ماں هنوگیں دور ما بلوچان ءَ باز  هژار بیگی انت۰  نالائکیں هامنه ای ٹولی، گجرانی تروریستی سپاه ءُ ایران ءِ " اقتصادی مافیا"  بید چہ روس ءُ چین ءُ ھندوستان ءِ ھور ترینگءَ نہ تواننت بلوچ دشمنیں "طرح توسعہ سواحل مکران " بزاں طرح تصرف سواحل بلوچستان ءَ دیم ءَ بہ برنت ءُ یک شیعی ولایتے بلوچستان ءِ تیاب کِرّان ءُ مُلکءِ زرباری دَمَگاں اڈ بکننت۰ 

تھران ءِ نالائکین ءُ زالمیں واکدار پہ چِلّ تاں پنجاہ لکّ  گئیر بلوچءِ لڈینگ ءُ ماں زربارءَ جاھمنند کنگ  دگہ درآمداں پہ بلوچستان  ءِ راجی مال ءُ مَدّی یانی لٹءُ پُل شریک کتگ ءُ پہ وتی لدیگی ھاکمیءِ  دراج کشّ کنگ ءَ چین ءُ روس ءِ گلامی اِش .ھم منّ اِتگ  

۰په ما بلوچاں دگه هچ راهے  پشت نه کپتگ!  ما را وتی ھستی ءُ راجی زند ءُ  پجّار، وتی وتن ءُ سرزمین  چه درآمدانی رستری پنجگاں رکّینگی اِنت۰ ما را شرّ زانگی انت کہ اگاں ھنوں ھمّت مہ کنین ءُ درآمداں ءَ پروش مه دئیں باندات دیرانتءُ  بلوچ راج ءِ پدریچ درستاں میاریگ کننت ءُ دلجم بئیت که هچ کَس ءَ پَهِل نه کننت۰ 

ایران ءِ واکداراں گوں هندوستانءُ جهان واریں چین ءُ روس ءِ شریکیءُ آهاں په گنجیں بلوچستان ءِ راجی سرمایه ءُ مالانی پل ءُ پانچءَ هور ترینگ ما را  گوں نوکیں  سیاسی جاوراں دیم په دیم کتگ۰ 

رونشتی بلوچستان ایران ءِ "مستعمره" اِنت ءُ هامنه ای ٹولی ءُ لدیگی سپاه په اے پر گنجیں  " مستعمره " ءِ ٹکُّر  ٹکُّر کنگ ءُ بها کنگءَ گلائیش انت۰ په گجر ءِ انسان دشمنیں  سیاستانی پروش دیگ ما را پادآیگی انت۰  

هنوں ما بلوچاں په وتی مُلک ءُ وتن ءِ پچ گِرَگ ءُ په وتی پدریچانی رکّینگءَ  "ضد استعماری" جُهدے دیم ءَ بَرَگی انت ءُ ماں اے جهد ءَ هرپیمیں انکلابی تاکتیک ءُ راجدوستی کارءُ چِست ءُ اِیر جائز انت۰  

آزات ءُ آباد بات گنجیں بلوچستان 

محمد کریم بلوچ 

جولای ۲۰۲۰

          !تروریستی سپاه قدسءِ استراتژیکی پروش 

گُڈّی ( آھری ) بھر

په میلیوناں انسان ءَ اے یک مستاگے که تروریستی سپاه قدس ءِ پندل ءُ بدنیتی ماں تاجیکستان، اوزبکستان، شمالی تورکمنستان، گزاگستان، شمالی آزربایجان، چچنستان، بھرنءُ لیبی ءَ چه بنگیج ءَ پروش وارت۰  ھمے نام گپتگیں  ملکانی سیاسی رھشونءُ امنیتی ادارہ چه جهان سوچیں گجرءِ سیاسی مراد ءُ مکسداں   پہ وھد سرپد بوتنت ءُ توانت اِش تا ں لدیگی "سپاہ قدس" ءِ پندلاں چه بنگیج ءَ پروش بدینت۰ 

بلئے اپسوزی گپ ایش انت که لدیگی  سپاه قدس ماں اوگانستانءِ هزاره جات ءُ کابل ءُ کراچیءِ بندر روڈ ءَ بازیں شیهه ورناءَ ریپینت انت۰ 

ھامنہ ای ءِ ٹولیءِ تروریستاں  "لشکر فاطمیون" چه اوگانستان ءِ هزاره ءُ "لشکر زینبیون" چه کراچی ءِ شیهه اڈ کتنت۰ اے دوّئیں هوربند په تروریستی مکسد ءُ سلهبندیں زوالکاری بنگیج بوتنت۰

"لشکر فاطمیون"  ءُ "لشکر زینبیون" ءِ چنت هزار تروریست ایران ءَ لڈینگ بوتنت ءُ  په ناشریں هامنه ای هکم ءَ آهاں ایرانی سجل ءُ پاسپورت دیگ بوت۰ اشانی گیشتریک شام ءَ په تروریستی جنگءُ  ناشریں بشراسد ءِ کمکی راه دیگ بوتنت۰  شام ءِ بازیں شهر ءُ میتگانی ویران کنگ ءُ  لَکّانی لَکّ انسان ءِ زند ءُ زندجاورانی تباھی ءُ بےشمار انسانءِ درانڈیہ کنگ" سپاه قدس" ءُ همے تروریستانی کارکِرداَتنت۰ 

رند چه اش که امریکا ءُ تورکی  چه ایران ءَ لوٹت تاں وتی لشکرءَ چه شام در بکننت

 اے دوّئیں تروریستی لشکر ایران ءَ لڈینگ بوتنت۰ 

اوگانستان ءِ واکداراں زوت جار جت که  "لشکر فاطمیون" ءِ تروریستاں اوگانستان ءِ واترکنگ ءِ اجازت نیست ءُ لشکر زینبیون  ءِ تروریستاں هم چه ترس گروپی شکلے پاکستان ءَ نه شت انت۰

هنوں رُمبے چه پاکستانی شیهه ءُ جاھلیں هزاره هور گوں بگدادی "حشد شعبی" ایرانءِ ایردستیں راجانی شهر ءُ میتگاں نندارینگ بوتگ انت تاں هور گوں لدیگی سپاه پاسداراں میلیوناں ایردستیں مردم هاسکار لُر، عرب، کورد، !.بلوچ، تورکمن ءُ تورک ءَ په پاد آیگ ءَ موه مه دینت ءُ گٹ تروس اِش بکننت 

اے وڑا  سپاہ قدس ءِ تروریستی پروژہ ءُ جہانی استراتژی پروش وارت ءُ اے ٹولی ءِ پشت کپتگیں تروریستاں ھنوں  تھران ءِ واکدارانی گُلام انت ءُ  ایردستیں مردمانی کشت کوش ءَ کارمرز بیگ انت۰

  

محمد کریم بلوچ

جولای ۲۰۲۰

!بلوچ راج وڑوڑیں شزا ءُ ازابانی آماچ اِنت

. بیست ءُ شش(۲۶) جون( ژوئن) شزا ءِ هلاپ ءَ جهانی روچ انتءُ بلوچ راج درآمدانی وڑوڑیں  شزا  ءُ  ازابانی آماچ انت. 

 لدیگی واکدارانی همشـوری ءُ هرپيمیں همکاری چه ۱۹۴۸ ءَ بگـر تاں مروچـی بلـوچ راجدپتـرءِ تهاريـں بهرے انـت.  

اے اولـی رند انـت که بلـوچ راج ماں يـک دؤرے بـزان هنوگيـں دؤر پارس ءُ پنجاپی يانی ايردست انـت.  مـاں بلوچستان ءِ کْـوَهـن ءُ دراجيـں تاريـخ ءَ اے اولـی رند انـت که پارس ءُ پنجاپی هوری ءَ مئـی وتـن ءُ هنکيــں آوارجتـگ ءُ هنچـوش په مئے ملـک ءِ وتيگــی کنگ ءَ تکانسـر انت که گوشينـئےبلوچ گلزميـن آهانی پـت ءُ پيروکانـی ميـراس انـت.

چه ايرانـی ءُ پاکستانـی سرکماشانی ديوانان ءُ دوئيـں انگريزءِ اڈکتگيں ملکانی وزيرانی گندنند ءُ گپ تـران  بگـر تان آهانی چگلـی اداره يانی هوريـں  جاسوسـی همـا بلوچ دژمنيں  کارکردانـت که په آوارجتگيں  بلوچستان ءِ زوربرد کنگ ءَ جاری انت.  چه سپاه ءُ پنجاپی پئوج ءِ همکاری تاں مئی ورنايانی دسگر کنگ ءُ کشگ، چه بلوچستانءِ مال ءُ مـڈيانی ءِ پل پانـچ ءَ بگر تـاں  ما را  وڑوڑیں ءُ  شزا ءُ ازاب ديگ  تهران ءُ اسلام آباد ءِ همکاری ءُ همشـوريانـی شوميـں بروردانت

 انسان دژمنيـں واکدار وتـی هونوار ءُ بلوچ کشيـں شزاگـر، بـے لـگاميــں لشکر ءُ  چـگـل ءُ پئوجی مـاں بلـوچ گلزميـن ءَ يلـه کتگ اَنــت تاں بلوچانـ کشت کـوش ءُ لـٹ کـٹ به کننت.

هزاراں بلوچ پاکستانـی ءُ ايرانی واکدارانی دستا کشگ  بوتگ ءُ بـے شمار ٹپی ءُ زدگ بوتگنــت. نامالوميـں شمارـے دسگر ءُ بيگـواه کنگ بوتگنــت که مـاں فاشيستانی کورچات ءُ شزاجاهـاں بنديگ انـت. پارس ءُ پنجاپـی شـزاگــر وڑ وڑيـں  شـزا ءُ ازاب بلوچ بنديگان دينـت ۰ 

:لهتيـں چه انساندژمنیں ءُ سـاه سنـدوکيـں شزاياں که میلیونان بلوچ آهانی آماچ انت  ایش انت

 بلوچ بنديگانی  جـاناں گـوں کارچ ءُ چاکـو بـرگ ءُ درّ درّ کـنـگ1-

۲ـ بندیگانی  دست ءُ پاداں، چنگلان، گوش ءُ پونزانی بـُرگ

۳ـ بنديگ ءِ سـرا آپ ءِ چيـر دارگ

۴ــ درنجگ گوں يک دست يا که دوئيں دست

۵ـ درجنگ گوں يک پاد يا که دوئيں پاد

۶ـ پادانی چيرا گوں هيزران ءُ شيپاگ جنگ

۷ـ دست ءُ پاداں بندگ ءُ گرماگـی روچ ءِ سـرا دؤر ديگ

۸ـ دسـت ءُ پادانـی ناهنـاں کشـگ

۹ـ ناهنانی چيرا سوچـن بـُک ديگ

۱۰ـ داگ کنگ ءُ سوچگ گوں باز گرميں آسن، داری اشکـر ءُ سيگارءِ اشکر

۱۱ـ بنديگانی دست، پاد؛ باسک ، سر ءُ سينگاں ءَ تيرجـَنـَگ

۱۲ـ دپ ءُ چمانی بندگ گـوں چسپ

۱۴ـ دسـت ءُ پاد ءُ گـردن ءَ سـک تاب ديگ

۱۵ـ دراجيں سوچين ( گوالدوچی سوچـن ) ماں باسک، سينگ ءُ لاپ ءَ بـکّ ديـگ

۱۶ـ نزيکيں وارسانی دسگر کنگ ءِ پاترپ ديگ

۱۷ـ بنديگانی نزيگين سياد ءُ وارسانـی دسگرکنگ ءُ ازاب ديگ ءُ کشگ

۱۸ـ دست ءُ پادانی چوپگ ءُ پروشگ گـوں کـُدينــگ ( چکش )

۱۹ـ بنیگانی سر ءُ دیم ءُ جان ءِ سرا تيزاپ ريچـگ

۲۰ـ جان ءِ سرا لهڑیں آپ ريچـگ

۲۱ـ بنديگ ءِ سـرا ماں سرديـں آپ بــُّک ديگ ءُ چير آپ دارگ ءُ درکنگ هنچو که بنديگ به توسيت  .

۲۲ـ بندی ءِ پادانی ميانجين ءَ ( .... سرا ) گرانين سنگ بندگ ءُ لونـج کنـگ

۲۴ـ بندی ءِ جان ءِ سرا ناروائين ءُ رستری کار کنگ

 ۲۵ـ بندی ءِ سـرءُ ديمـا پلپـل ( مـِرچ ) لگاشـگ

۲۶ـ بنديءِ دست يا پاد ءِ چنگلاں ( لنـکـُـکاں ) گــُــڈگ

۲۷ـ بندی ءِ جـانءَ کرنـٹ جـَنــَگ

۲۸ـ بنـدی ءَ گـوں کرنٹــی پستول جَـنــَگ

۲۹ـ ریش ءُ دروت ءُ مودانی گـْـوَجـَـگ

ـ۳۰ سرءِ مودان ءُ ريش ءُ بروتان ءَ سوچينـگ ءُ بنـدی سـر ءُ ديما پيلـوشينـگ

۳۱ـ ٹپانـی سرا واد ءُ پلپل ريچگ

۳۲ـ ماں بنديجاه ءَ بندی ءِ چکانی  فيلـم ءِ پيشـدارگ

۳۳ـ بنـدی ءِ ٹپانـی کـُـدينـَـگ

۳۴ـ بنـدی ءِ درنجـگ ءُ لونـج کنـگ

۳۵ـ بنـدی ءَ گـوں بستگيـں چمـّاں چه بـرزگے ءَ دؤر ديـگ

۳۷ـ بنـدی ءِ توسينـگ چـه بازيـں لـٹ کـٹ ءُ شـزاياں

۳۸ـ شپانی نيم بنـدی ياں چـه واب پدرهينگ گـوں وڑوڑيـں کوکار ءُ سلوات ءُ دژمان ( زا )

۳۹ـ ماں بنديجـاهءَ مارءُ زوم يله کنـگ

۴۰ـ بنديگيــں بلـوچ جنيــن آدمانی شــزا ءُ ازاب ديــگ مرديــں بنديگانی ديمــا

۴۱ـ بنديگانـی چمـاں په دراجيـں مدتـے ءَ بنـدگ

۴۲ـ بنديگان ءِ کور کنگ

۴۳ـ ماں سردی موسم ( زمستان ) ءَ بندی يان ماں سارت ءُ تهاریں کورچاتاں دؤر ديـگ

۴۴ـ ماں گرماگ ءَ بنديگاں ماں باز گرم ءُ کسانیں ازابجاه ءُ  کورچاتان بندی کنگ.

۴۵ـ بندی يان سوچن ( انجکشن) جـَنـَگ ءُ په نشئه ای دوا هيلدار کنگ

۴۶ـ بندی يان ءِ ورگانی ته ءَ هيلداری دوا ريچگ

۴۷ـ بندی يان چه وپسگ ءَ مهــن کنگ

۴۸ـ پهلوگانی پروشگ گوں سـرلگت ءُ لـٹ جنگ

۴۸ـ بنديگانی سياد ءُ وارسانی گـِرگ ءِ پاتــرپ

۴۹ـ بنديانی چک ءُ لوگ مردمانی کشگ ءِ پاترپ

۵۰ـ بدی ءِ مردمانی  کشگ بندی ءِ چمانی ديم

۵۱ـ بنديگان ءَ گـوں درچـک ءُ مچانـی کنـٹ مـُهـر بنـدگ

۵۲ـ ٹپی يـں بنديگان ءَ تگردانـی تلا پيچگ ءُ مـان کوه ءُ پٹاں دؤر ديـگ

۵۳ـ ٹپی ءُ زدگيـں بنديگان ءَ چه پئوجی هلی کاپترانی سرا دؤر ديـگ

۵۴ـ بنديگانی کماشيـں پتانی لٹ کٹ ءُ دُوا دُژمان

۵۵ـ ماتانی دسگـر کنـگ ءُ لٹ کـٹ کنگ ءِ پاترپ

۵۶ـ بندی ءِ دپ ءُ دنتاناں پروشـگ

۵۷ـ بندی ءِ شزا ديگ ءُ کشگ دگه بنديگانی ديما

۵۸ـ بندی ءِ گـُد ءُ پـُچـّاں چه جان ءَ در کنگ

۵۹ـ بنديگ ءِ سر ءُ کامپک ءَ گـوں ڈوک، دار يا کدينه ءَ پروشگ

۶۰ـ بنديگ ءِ سـرءِ مـوداں تراشـگ ءُ آيی ءَ مـُهــر بندگ چوش که وتا را هچ سرينت مکنـت

 گـڈا پـٹ پـٹ سارتيـں آپ بنـدی ءِ تراشتگيـں کـُبــّـه سـرا ريچـگ

۶۱ـ بندی ءَ چه دزنماز گرگ ءَ مـَهن کنگ

 ۶۲ـ بندی ءَ چه نمـاز ءَ مـَهن کنـگ

۶۳ـ بنديگيـں بلوچ مولـوی ياں کاپَـر ءُ بـے ديـن گوشگ

 ۶۴ـ بنـدی ءِ دپ ءُ لنـٹـاں دوچـگ

۶۵ـ بنـدی ءِ سـرا پلاستيکـی تـورگ ءَ مـاں لگوشـگ ءُ مـُهـر بنـدگ هنچـوش که بنـدی نپس کش اِت مکنـت ءُ به توسيـت

۶۶ـ بنـدی ءِ گٹ ءَ مـُـهـر گـوں دست دارگ ءُ پرنچـگ بزاں گٹ تروس کنــگ

گـوں ساد لـوپ کنگ ءُ زميـن ءِ سـرا کشـّـگ

۶۸ـ بندی ءِ سـرين ءُ پشـت ءَ گـوں سهريـں آسن ءُ سيم داگ کنگ پدا هما داگ بوتگيـں جاگهاں کـُدينـگ.

۶۹ـ شـزا ءُ ازابانی چيرا بندی ءَ جست ءُ پـرس کنگ

۷۰ـ بنديگان ءَ چپت ءُ چوپ کنگ گـوں مشت ءُ سرلگت

۷۱ء بلوچ ورنایا ں زندکا سوچگ

۷۲ء  گوں بلوچ شیرزالاں زیادتی کنگ

۷۳ء بندیگیں بلوچانءِ گهار یا جنکانی دُزَگ ءُ بندیگ کنگ.

۷۴ء امیت داریں بلوچ مات ءُ گهارانی کُشگ ماں  نادراهجاهاں

۷۵ء بلوچ نُنُکانی توسینگ ءُ گٹ تروس کنگ

۷۶ء کرونا ویروس ءُ دگه بیماریانی تالاں کنگ ماں بلوچستان ءَ

۷۷ء بلوچانی لوگاں لُمبینگ

۷۸ء بلوچانی لوگاں ماندارگ

۷۹ ء بلوچستان ءِ مچکدگ ءُ کشاراں ماندارگ

۸۰ء بلوچستان ءُ بلوچ راجءِ زندجاوارانی تباه ءُ ویران کنگ

بلـوچ راج هنـوں ایردست ءُ بنـدیگ اِنت. درآمداں لوٹنـت تاں گـوں چشيـں شزا ءُ ازاباں ما را مدامـی وتی ايردست ءُ گـلام بدارنـت. همـا شزا ءُ ازاب که ماں دگنياءِ هچ ملک ءُ هَنـدے ءَ بيد چه بلوچستـان کاربندگ نه بنت. هما شزا ءُ ازاب که شزاگريـں ڈنـّی يان ءِ انسان دژمنی ءَ پيش دارنـت. 

بلئـے اپسوز که ايران ءُ پاکستان ءِ انسانی هکانی پدجنوک هم وتی دپاں وت بے تـواری ءِ گرانيـں کـُبلــے جتـگ ءُ بلوچستان ءِ  بنديگانی ازاب کوش بيگ ءِ باروا کـه ماں ايران ءُ پاکستانـی کورچاتان بند انـت،  بـے تـوار اَنـت.

بلوچ شهيـد ءُ بنديگانـی شمار چه هساب کتاب ءَ دراَنـت. هچ بر جـار جنگ نه بوتگ که مـاں گوستگيـں نود ءُ سئے سالاں چنت هـزار بلـوچ  گجر ءِ رستری کارکرد ءِ آماچ بوتگنـت ءُ چه ۱۹۴۸ ءَ تان مروچی چنت هزار بلوچ پنجاپ ءِ هونواریں واکدارانی دستا شهيد کنگ بوتگنـت. هچ کس ءَ مالوم نهنــت که چنت هزار بلـوچ ماں ايرانی ءُ پاکستانـی کورچاتاں بنديگ کنـگ ءُ شزا ديگ بوتگنـت.

مـاں رودراتکی بلوچستان ءَ گلزمين ءِ کوه ءُ پـٹ ءُ کوچگ شاهد ءُ گواه اَنـت که پنجاپی رستر گون بلوچ راج ءُ بلوچ اوبادگان چـے زلم ءُ زوراکـی کنگاينـت. راج ءِ بيگواه کتگيـں جهدکار ءُ کلانيـں ليـڈرانی زدگيـں، ٹپی ءُ پروشتگيـں، شـزا ءُ ازاب ديستگيـں شهيـدی لاش ءُ جنازه ياں مـاں شاهگانيـں گلزمين ءَ شنگ ءُ تالان کنگ بنت. اے انسان دژمنـی ءُ رستری کارکـرد درآمدانی هوريـں بزان مشترکيـں پندلے انـت۔

مـاں ايـران ءِ آوارجتگيـں بلـوچستـان ءَ مئی انسانـی هکـاں هنچـو  لگتمال بوتگنـت که هر پاسدار يا که بسيجی ما را بيـد جسـت پرس ءُ بيد هچ ميارے تيرجننت ءُ کشنـت یا کہ زندکا سوچنت!  مـاں رونشتی بلوچستان ءَ هکومتـی سرباز بسيجی يا پاسداران په بلوچانی کشگ ءَ تيرجـَنگ ءِ اجازت هست .  نود ءُ سئے سال انت کـه مئی ننکان ءُ گوانزگی تبل، ورنا ءُ پيـر، .جنين ءُ مرديـں ايرانی فاشيستانی دستا کشگ بيگاينـت.

گجر فاشيست ءُ پاکستـانی واکداراں بلوچ ورناياں دسگـر کننت ءُ يکدگرا دينت که رنـد چـه بازين شزا ءُ ازابان کشگ بنت.

مـاں رونشتـی بلوچستان ءُ رودراتکی بلوچستان ءَ بـے کانـودی ءُ بربريت هاکم انت. هـر زيادتـی ءُ بلوچ دژمنيـں کارے که په درآمدانی نپ ءُ سيت انت کانود ءِ نام اِش  پـرکرتگ انـت۰ ايران ءُ پاکستانی نام نهاديـں کانوداں بلوچانـی زنـد ءُ بلـوچءِ راجی 

.وجود ءِ هلاپ اَنـت

آزات ءُ آباد بات گنجیں بلوچستان 

محمد کریم بلوچ

 2020 (بیست ءُ شش(۲۶) جون( ژوئن 

تروریستی "سپاه قدس" ءِ استراتژیکی پروش

(دومی بھر )

 زورانسریں ایرانی واکدار ءُ لدیگی "سپاه قدس" هما پلینڈی  ءُ گئیر انسانی کار  ماں بلوچ ڈیه ءَ کتگ که ماں دنیاےءَ کم درور اَنت!

اشانی بلوچ دشمنیں استراتژی ءُ ناهودگیں واب ایش اَت که  گوں پاکستان ءِ پُرُشگ ءَ رودراتکی بلوچستان ءَ په رِپک ءُ زور ءُ  !پندل گوں پدمنتگیں ایران ءَ هور به تَرّین انت!

اگاں چه اے لدیگی ٹولی ءِ واب پوره نه بیت بلئے بلوچ راج ءُ مُلک ءِ سیاسی رهشون ءُ  کارمستراں مدام هژار بیگی انت۰ 

پر چا کہ ایردستیں راجانی راجدپتر پیش داراَنت که گجر په وتی نپ ءُ سیت ءِ هاترا هر وڑیں رستری کار کتگ ۰

"سپاه قدس" په وتی مکسدانی ءِ پوره کنگ ءَ بلوچاں وت ماں وت ناتپاک کنگ، لهتے ءَ بسیج عشایری هور ترّینگ، رمبے چه رودراتکی بلوچ ورنایانءَ  مگربی بلوچستان ءَ نندارینگ ءُ وتی دام ءَ مان ترّینگ، گوں پاکستانی آی. اس.آی ءَ همکاری ءُ هما باهوٹاں که گوں سپاه قدس ءَ بلوچانی هلاپ همکاری اِش نه کرت  کُشگ ءُ بیگواہ کنگ وتی انسان دشمنیں کار ءُ زوالکاری وَ کتگ انت۰ 

 رودراتکی بلوچستان ءِ هما باهوٹیں بلوچ ورنا ستا اَرزنت که "سپاه قدس" اِش جواب کُت چه مگربی بلوچستانءِ شهر ءُ میتگاں درآتک انت ءُ مُلک ءِ برزیں کوه ءُ تیهرانءِ میار بوتنت یا دگه ملکاں په باهوٹی شت انت بلئے وتی وس ءَ راج اِش چہ گجرانی پندلاں رکّینت۰

اگاں چے "سپاه قدس"  ءُ آی.اِس.آی چنت باهوٹیں بلوچ ورنا ءَ ماں رونشتی بلوچستان کشت انت ءُ  "سپاه قدس"  دو نپر ءَ پرمائیت که رونشتی بلوچستان ءِ راجی جنز ءُ بلوچ مهلوک ءِ یک سد سال ءِ جهداں په انکار  بکننت،  اگاں چے همے واجکار اِش هکم دات که گجر ءِ زلم، کشت کشار، بلوچانی راجی  سرمایه ءِ پل ءُ پانچ ءُ سپاه گجر ءِ  رستری کار کِردا ں مه منّ انت ءُ بگوش آنت که رونشتی بلوچستان ءِ مردم ءَ هچ مشکلے نیست  تهنا "چنت نپریوروپ ءَ نشتگ انت فیس بوک ءَ ٹُاک کننت"   بلئے په دلجمی گوشت کنیں که بلوچانی راجی بیداری گیش بوتگ ءُ چه "سپاه قدس" ءِ بلوچ دشمنیں برنامه ءُ شومیں مکسداں شرّ سرپد بوتگنت ءُ گوشت کنیں کہ اے تروریستی ٹولی ءِ استراتژی ماں بلوچستان هم پروش وارتگ۰

محمد کریم بلوچ

 ژوئن ۲۰۲۰

!کم دَزرَس ءُ مُهتاجیں مردمانی هیالداری مئے انسانی ءُ راجی اگده انت 

بلوچستان ءِ هما مردم که کم دَزرَس ءُ بے وَس اَنت هنوگیں گژن ءُ واری ءِ "سونامی" ءَ سکّ بدھال ءُ بے واڑ کتگ انت۰ گژن ءُ واری ءِ سونامی یک اناگتیں گپے نهنت، اے بهرے چہ رستریں ایرانی واکدارانی بلوچ دژمنیں سیاسی پندل اِنت کہ بلوچاں وار، ایردست ءُ چمدار بدارنت۰ 

ایرانی زورگریں واکداراں بلوچستان ءَ وتی لدیگی لشکر ( سپاه ) ءِ دستا داتگ بزان مئی آوارجتگیں ملک ءِ هاکم  هنوں امان الله    تاسبی" نامیں گجرے!

آ ھونوار ءُ ڈنّی  سپاہ ءِ کار مستر اِنت ءُ چه گچساران ءِ شهرِ ، بلوچستان ءَ آرگ بوتہ تاں ایرانی واکداراں ز وتّر پہ وتی شومیں مکسداں بہ رسینیت۰ بلوچانی کشت کوش ءُ ڈیہ راجی مال ءُ مَڈی یانی پل ءُ پانچ رستریں گشتاسبی ءِ  ھُکم اَنت.

لدیگی سپاہ ءُ وتسریں زابلی گوں ناشریں گشتاسبیءِ سروکی ءَ بلوچستان ءِ کارباری جاوراں باز ھراب کتگ انت  ءُ بلوچانی زند جاوران اِش  سک نگیگ کرتگ اَنت۰

ملک ءِ ھزاراں ورنا کار نیست ءُ گیش چہ دو لکّ بلوچ کودک چہ وانگ ءُ نبیسگ ءِ یاتگیری ءَ زبهر انت۰ وانگجاھاں گوں جاھلیں زابلی مدیر ءُ کینگی استاد بے استاندارد ءُ پہ بلوچ نودربراں شزاجاہ انت۰ 

سدانی سد  بے وسیں مردم ماں پُر گنجیں بلوچستان  شُدّ کَشگ انت ءُ اے لاچاریں مردم کہ سکّ دس تنگ انت گوں  نیکوکاریں  مردمانی کمک ءُ مَدتاںءَ وتی زند گوازینگاینت۰

ڈیہ ءِ باز جاگهاں  انساندوستیں بلوچ کمک کار ھمے مهتاجیں مردم ءُ گریبیں نودربران ھیالداری ءُ گَوَرکنگاینت۰ بلئے ناشریں ھاکم بزاں گشتاسبی گوں ڈنّی یانی لشکر ( سپاه )  چہ بلوچانی ھشرکاری ءُ ڈیہ ءِ گریباں گَوَر کنگ ءَ ناراز ءُ تکانسراَنت۰

آ لوٹنت بلوچانی انسان دوستی ءُ کمککاری هم ءَ  کنترول بکننت! ھال رستگ کہ پارس ءِ لدیگی لشکر ءُ چاروگاں کمککاریں مردم جست پرس ءُ دِلسیاہ کنگاینت۰ آهانی بانکی هساب بندانت  ءُ جم بوتگیں زرّی کمک اوشتارینگ بنت ءُ وت اِش دست گراَنت. پارس لشکرءُ ڈنّی یانی مکسد ایش انت کہ کمککاریں بلوچ ملک ءِ گریبانی کمک کنگ ءِ جاگہ ءَ کچکول ءَ بزورنت ءُ پہ ھکومت ءِ پنڈوکی ادارہ یاں بہ پِنڈاَنت۰

هور گوں راجی جهدانی دیم ءَ برگ ءَ په گهتریں بانداتے باید انت ما  هروڑ ءَ که بوت کنت ملک ءِ کم دزرس ءُ مهتاجیں مردم تچکاتچک( مستقیم ) کمک  به کنیں

.

محمد کریم بلوچ

ژوئن ۲۰۲۰

تروریستی "سپاه قدس" ءِ استراتژیکی پروش

( اولی بهر )

جهانی تروریسمءِ گنتریں ٹولی بزاں ایرانی واکدارانی  تروریستی " سپاه قدس" ءِ  استراتژی  په پرشیاءِ مَستر کنگ ءُ دگه راجانی ایر دست دارگ ءُ گئیر شیھہ ئیں انسانانی دینی باورانءِ ٹگلینتگ هم ماں میان استمانی  پڑءُ هم ماں بلوچستان ءَ  پروش وارتگ۰

بَگداد ءِ واکدار جار پرّینتگ که اے لدیگی ٹولی ءِ سروک بید پاسپورت ءُ ویزا آ ملک ءَ شت نه کنت۰   هما وڑا که سرپدایت

 "سپاه قدس" میلیارد اں دلار په آ ملک ءِ شیهه یانی آسراتی ءُ کوردانی ایر دست دارگ ءَ هرچ کتگ۰  هنوں هما بگدادی مھلوک همینی ءُ هامنه ای هلاپ انت ءّ  بُتان اش هر روچ ماں بگداد، بسره، نجپ، کوپه ءُ کربلا  ءَ دِرَّگ ءُ سوچگ‌ءَ انت۰

ماں شام ءَ "سپاه قدس" تروریستانی پروش هنچو مزن انت که  تچگ ءِ راه اِش هم گار کتگ ءُ اشکنگ ءُ وانگ ءُ  گندگائیں که

 سوریه آهانی کبرستان اِنت۰

اے تروریستاں هما رستری کارکردانی هساب کتاب پَچ دیِگ انت که آ گوں لکّانی لّک بے گناهیں کورد ءُ عرب مھلوک ءُ شامی هزاراں تبل ءُ کودک کت۰ انسانیت ءُ بنی آدماں سپاه قدس ءِ تروریستی ءُ جهان سوچیں کارکرداں   مدامی نبشتگ ءُ یات کنت۰

یمن ءِ جاور په هامنه ای ٹولی ءُ آیی تروریستی لشکر روچ په روچ نگیگ تر بیگ انت۰ مروچان هَوسی( حوثی) ٹولی سکّ نزور انت ءُ اوداں هم ایرانی واکدار ءُ رستریں سپاه قدس ءِ ناهودگیں واب پوره نبوت۰ 

اے گپ پدّرانت که زوالکاریں همینی ءُ هامنه ای انسان دشمنیں ٹولی ءُ سپاه قدسءِ جهانی تروریستانی استراتژی  په عربی ملکانی ایر دست دارگ ءَ پروش وارتگ۰

ایران ءِ ایردستیں راجانی دُزِّتگیں میلیارداں دلارءِ هرچ کنگ ماں یمن، لبنان، شام، بگداد، اوگانستان ءُ دگه ملکانی آسر ءُ برورد په میلیوناں انسان زندءِ  بربادی ءْ برزءِ نام گپتگیں ملکانی ویرانی انت۰

محمد کریم بلوچ

 2020 ژوئن