سیزدہ (۱۳) نوامبر بلوچستان ءِ شهیدانی روچ انت

بلوچستانءِ شهیداں بے شمار اَنت۰  گلزمین ءِ شهیدانی سرکاروان  شاه شهید میر مهراب هان گوں وتی نزّیکیں سرمچاراں ماں جنگ ءِ پڑا هما سرمچاری کرت که ماں بلوچستان ءِ راجدپترا بے درورانت۰

بلوچستان ءِ راجدپتر پیش داریت کہ شاھی کلات  ۱۳نوامبر سال ۱۸۳۹ میلادی  جنگی میدانے اَت۰  چه یک نیمگے درآمدیں  انگریزءِ لشکرءُ پئوج ءُ چه دگه نیمگے شاهِ بلوچستان گوں وتی وپاداریں همراه دیم په دیم جنگ دات ءُ یکرندے پدا بلوچ پیش داشت کہ بلوچستان درآمدانی ھنکین نھنت۰ 

 اپسوز کہ بلوچانی سرمچار لهتیں سردارانی بے و پایی ءِ آماچ بوتنت.  هَو !  چنت بے سریں سردار گوں میر مهراب هان ءُ سرمچاران  بد کولی ءُ بے و پایی کت ءُ چیروکایی گوں انگریزءِ لشکر هم شور بوتنت.۰ 

 آ  شاه بلوچستان ءِ پروش دیگ ءَ گوں انگریزاں هور بوتنت ءَ بلوچستان ءِ آزادی ءُ وت مستری اِش په وتی هداروکی نپ ءُ سیت بها کرت۰  

یک رندے پدا درآمدیں واک په بلوچستان ءِ آوار جنگ ءَ چه بلوچانی ناتپاکی ءُ وت ماں وتی اڑ ءُ جنجالاں پائده چست کرت ءُ بلوچ راج اِش وتی ابردست کرت۰

اے هما جَوریں تجربه ءُ رآجدپتری درس انت که په  مروچیگیں جهدانی دیما برگ ءَ  باید انت بلوچانی چراگ راه بہ  بیت۰

سوبیں بات بلوچ راج ءِ جهد په آجویی ءُ وت مستری

شاه شهید میر مهراب هان  ءُ بلوچستان ءِ شهیداں نمیران انت

محمد کریم بلوچ